Cwestiynau Cyffredin

Ar y teledu ewch i S4C.

Ar ddydd Sadwrn a Sul, rhwng 12.30 – 21.00 mae rhaglen fyw yn adlewyrchu cystadlu’r dydd a mwy.

O ddydd Llun i Gwener, rhwng 10.30 - 18.30 mae rhaglen fyw yn adlewyrchu cystadlu’r dydd a mwy. Ar y diwrnodau yma hefyd mae uchafbwyntiau’r dydd i chi eu mwynhau  am 20.00. 

Bydd yr holl raglenni hyn ar gael ar S4C Clic neu BBC iPlayer.

Ewch i s4c.cymru/clic

Mae ffrwd fyw o holl gystadlu y pafiliwn coch, gwyn a gwyrdd ar S4C Clic a BBC iplayer. Bydd pob ffrwd ar gael ar Clic yn unig  am 3 diwrnod.

Bydd y cystadlu yn dechrau am 11.00 ar dydd Sadwrn a Sul ac am 9.00 o ddydd Llun i Gwener.

Mae posib dal lan ar y tair ffrwd i ail edrych ar eich hoff gystadleuaeth ond dim ond fe fydd hyn yn ddibynnol ar y teclun sy’n cael ei ddefnyddio i wylio. 

Ffrwd fyw yn unig fydd ar gael ar declynnau ffôn iOS ac Android.

Mae posib gwylio y tri ddaeth i’r brig ymhob cystadleuaeth ar y wefan s4c.cymru/urdd.

Ewch i’r gystadleuaeth o’ch dewis a bydd y clipiau yno i’w gweld o fewn ychydig ar ôl y canlyniad.

Does dim posib gwylio pob cystadleuaeth ar alw ar y wefan.

Mae angen cofrestru i Clic cyn medru gwylio ac awgrymir gwneud hyn ymlaen llaw.

Gwasgwch y botwm Cofrestru ar y wefan https://s4c.urdd.cymru a dilynwch y cyfarwyddiadau. Neu…

Ewch i https://S4C.cymru/clic/MyS4C/SignUp lle mae’n bosib creu cyfrif newydd mewn 2 gam syml.

1. Rhowch eich enw i mewn gyda’ch cyfeiriad e-bost a dewis cyfrinair.
2. Bydd angen dewis eich iaith a chytuno â thelerau S4C. Gwasgwch Cofrestru a dyna chi’n barod i wylio S4C Clic!

Mae posib lawrlwytho ap Clic er mwyn gwylio ar eich ffôn neu dabled ond ni fydd posib spwlio nol ar y ffrydiau Coch, gwyn a gwyrdd ar y teclynnau hyn.

Fe fydd ap Eisteddfod yr Urdd ar gael i’w lawrlwytho eleni a trwyddo bydd posib cael manylion am yr holl gystadlu, digwyddiadau’r maes a llawer mwy yn ymwneud a’r wythnos.

Fe fydd sioeau Cyw a Stwnsh yn cael eu perfformio yn Yr Adlen ar y maes.